2005年09月15日
(0)正所謂唔怕先壞命, 最怕改壞名
又有謂名不正, 言不順
所以一個名的重要性, 真係唔需要多講.
今日就知道一單改名的新聞 , 又一城旁的科技中心 (tech center), 會改名做創新中心
唔知道入面一眾科技公司, 對改名有咩睇法
我就覺得好奇怪, 叫科技中心, 定位清清楚楚 ,
創新中心? 實在唔知所指何事, 創新在那裡? 會唔會叫錯做始創中心?
原來,改名係為了一個新推出的設計創業培育計劃.
簡單講, 原本為科技業搞的一套培育方案, 將會apply 到設計行業, 所以中心亦要改名
如果第二時, 政府肯投放資源到媒體業, 除了我會考慮入紙申請外,
更建議創新中心大可以改名做科技媒體創新中心
中心入面集三大行業的創業者, 為此產生的協同效應, 不容估計!
始終, 我想不出要重點培育設計業的理由
不是說設計不重要 (看看自己公司的產品, 就明白有好設計的魔力!),
或者應該說, 香港也有不少食腦工業可以培育, 為甚麼偏偏有了現在的選擇?
相比來說, 科技業還來得合理………
