撈傳媒

倒立超仁今日話：散戶鬥唔過大戶，原因係對方財雄勢大，人才多多

散戶拎住一百幾十萬，根本唔入流。

無錯，莫講話一百幾十萬，就算一千幾百萬都唔可以與管理十億美元的人外人比較。

不過，正因為咁，散戶亦有自己優勢，鬥唔鬥得過，視乎你如何判斷。

正如超仁講，被基金睇好的股份可以勁升，相反則是喪插。

其實呢個正是基金的麻煩，既有不少守則要跟，披露大手買賣／持貨，太大動作又會引人注意，靚股要慢慢吸絕對唔容易，同時要轉身亦難。

相反散戶買貨時的一百幾十萬，就好似擔沙填海一樣，「沙」一聲就唔見，絕對唔怕有其他無謂人跟風，自然心安理得。

至於揀股，其實係散戶唔肯學番一招半式。是不是一定要像分析員一樣親身拜訪公司高層？不需要。只要學識看報表，加上一點常識，散戶成績應該不差。

反而散戶缺乏時間，畢竟全職炒股的人不多。不過，這點有不少簡易解決方法，但與本文主題無關，暫且按下不表，在適當時間往後文章自會詳細交待。

散戶最不要受媒體誤導，以為做得芬哥芬佬的都是高材生、smart investor，講真句，與其他行業一樣，投資界的甚麼股神、股聖絕無僅有，不少基金其實都是跑輸大市的。

他們失敗的原因，正是他們受身份所困，又有實際制抓，難怪做不出好成績來。