2006年09月25日
(1)原文 — gensan — 2006-09-22 15:00:05
招行今次發行二十二億股 H 股﹐招股價每股七元三角至八元五角五仙﹐最終以上限定價﹐集資一百八十八點一億元。公開發售獲二百九十二點六五億股有效申請﹐超額認購二百六十五倍﹐凍結資金二千五百零二億元﹐國際配售錄得龐大超額認購。認購一手的中抽簽率為三成﹐認購最少五千股（即十手）才穩獲派一手。
如以股價十一元計算﹐以現金認購的散戶﹐扣除手續費﹐每手帳面賺超過一千元。散戶對股價感到滿意﹐但由於很多散客都只抽中一手﹐因此今天立即趁高位沽貨﹐但也有散戶表示在價格跌至低位﹐會再趁低吸納。
如果只計算抽一手的參加者，這便是一個大約 30% 中獎率的千元現金獎抽獎遊戲，易中過六合彩。 牛頭角順嫂式結論：「咁辛苦打工為乜？」
“咁辛苦打工為乜?” 的確係咁. 所以好多人都覺得唔抽就笨.不過我就唔抽喇.
香港家下有約1000隻股票, 相信叫做老老實實做生意的得100-200隻, 亂抽幾隻博5年後升10倍以上的, 肯再研究一下, 應該可以提升中彩率, 是為另一種抽獎遊戲.
咁難度高唔高? 老實講唔知. 不過既然打工咁辛苦又唔知為乜, 亦值得一試, 隨手拈來也有一隻0333, 賣BRA的, 也輕易升了10倍以上. 另一隻叫1044, 賣衛生巾、一次性紙尿褲、紙巾及潔膚護膚產品, 又升了10倍. 無錯, 呢D係過去O既事, 不過都係個句, 5年前你靠撞又好, 研究又好, 要搵出呢兩隻股票, 應該唔算超難度動作.
就算講D大路貨, 2388中銀香港, 02年至今天都升1個DOUBLE, 勁個恆指. 咁要買”中”呢隻2388, 又係咪好難呢? 我唔知, 你自己諗諗.
豬仔包
