撈傳媒

原文 — gensan — 2006-10-19 00:45:08

狂賀本人前僱主 HTW 又有市場新搞作－－eMag。

HTW 決定以網上雜誌形式收費，全年五十二期 HK$150，即每期大約 HK$3。以香港人的網上消費模式推論，eMag 如果辦得好，即會在膠登網站互相分享；假如內容不濟，則相信會落得「膠都費事俾」的下場。

Revamp 後的網頁內容亦相當出位，除有齊所有編輯相片的文字 Blog 外，還有記者親自拍片作產品示範的 VBlog，透明度極高，高到俾全世界點晒相。

參考網址：http://www.hitechweekly.com.hk/

記者應該把握機會，立志自我打造成為明星,當正自己係roadshow的viann第二，做ＶＬＯＧ的時間搞Ｏ下Ｄ爛ＧＡＧ，或者當玩緊露臉自拍，表現出親近讀者的一面，日後無論自己出書開course，都有一班fans支持，方為賺錢之路。

至於一年收$150就真係太傻，大家覺得呢到可以收到幾錢？恐怕第一年的錢都不夠initial cost.反正預了無錢收，我覺得應該逆向操作－－狠狠掠一筆，收足$10一期，但送番Ｄ潮流產品做迎新禮品。又或者學選擇月刊，可以逐期買$5，逐篇文買$3。咁做成本高，但因為鋪鋪清，可以更能做到讀者口味主導。
逐篇文計甚至可以向不受歡迎的內容開刀，慳番Ｄ力唔再放上網，或者藉此評價記者的工作表現。